ئەم هەفتەیە باران دەبارێت

هەڤاڵ سدیق گەڵۆزی شارەزای کەشناسی دەڵێت، بۆ ماوەی (٩٦)کاتژمێر واتا چوار ڕۆژی تر پلەکانی گەرما  لەسەرجەم ناوچە جیاوازەکانی هەرێمی کوردستان بەرزدەبێتەوە.
باس لەوەش دەکات، ڕۆژانی سێشەممە و چوارشەممە و پێنجشەممە و هەینی قۆناغێکی تری بەرزبوونەوەی پلەکانی گەرمای ئاسایی چلەی هاوین دەستپێدەکات .
زیاتر گوتی، لەڕۆژی سێشەممەوە ڕێکەوتی(٢١/ ٧/ ٢٠٢٦) بەهۆی هاتنی بارستەهەوایەکی گەرم لەباکووری ئەفریقاوە بۆ تەواوی وڵاتانی شام و هەرێمی کوردستان پلەکانی گەرما لەتەواوی ناوچەکانی هەرێمی بەشێوەیەکی تەدریجی بەرزبوونەوە بەخۆیەوە دەبینێت (٢- ٤°)پلە سیلیزی بۆماوەی چوار(٤)ڕۆژ کاریگەری ئەو بارسته هەوایە لەسەرناوچەکەمان دەمینێتەوە ، چەقی گەرماکە ڕۆژانی 
(٢١ / ٧/ ٢٠٢٦) بۆ (٢٢ / ٧/ ٢٠٢٦)ە پێشبینی دەکرێت بەرزترین پلەکانی گەرمای تۆماری کراوی بەسێبەر لەناوەندی ئیدارەی گەرمیان قەزای کەلار و ناحیەی مەیدان و تۆماربکرێت لەکەرکوک و ناوچەکانی ڕۆژئاوای هەولێر پلەکانی گەرمادەکاتە 
( ٤٦ - ٤٧°)پلەسیلیزی ،هەولێر( ٤٤-٤٥°)پلەسیلیزی 
،سلێمانی و ڕاپەڕین
(٤١ - ٤٢)پلەسیلیزی،هەڵەبجە(٤٣-٤٤°)پلەسیلیزی ،سۆران (٤٠ -٤١°)پلەسیلزی ، دهۆک (٤١-٤٢°)پلەسیلیزی،زاخۆ (٤٣-٤٤°)
روونیکردەوە، فێنکترین ناوچەی هەرێم ناحیەی حاجی ئۆمەران دەبێت بەرزترین پلەی گەرمالەنێوان (٣١ -٣٢)پلەسیلیزی دەبێت کاریگەری ئەم بارستە هەوایە هەتا ڕۆژی هەینی دەبێت لەڕۆژی شەممەوە 
(٢٥/ ٧/ ٢٠٢٦)بەهۆی هاتنی بارستە هەوایەکی فێنکی جەمسەری مامناوەند بۆ ناوچەکەمان پلەکانی گەرما(٥-٦)پلەسیلیزی دابەزین بەخۆیەوە دەبینێت .
ئاماژە بەوەش دەکات، لەکۆتایی ئەم هەفتەیەکەدەکاتە ڕۆژی پێنجشەممە ڕێکەوتی (٢٣/ ٧/ ٢٠٢٦)لەحاجی ئۆمەران و لەبەشێک لەناوچە شاخاوییە سنوورییەکانی ئیدارەی سۆران ئەگەری تاوەبارانی ماوەکورت هەیە.