کابینەی نۆیەم بەرهەمی گەنمی هەرێمی بۆ دوو هێندە زیاد کردووە

حکوومەتی هەرێمی کوردستان لە ڕێگەی پەرەپێدانی ژێرخانی ستراتیجی و پاڵپشتیکردنی جووتیارانەوە، کێشەی وەرنەگرتنی گەنمی چارەسەر کردووە و هەنگاوی گەورەی بەرەو دابینکردنی ئاسایشی خۆراک ناوە.
​گرنگترین ئامار و دەستکەوتەکان:
​دوو هێندەکردنی بەرهەم: کۆی بەرهەمی گەنمی هەرێم لە ساڵی 2018دا نزیکەی 810 هەزار تۆن بوو (کە تەنیا 340 هەزار تۆنی لەلایەن بەغداوە وەرگیرا)، بەڵام بۆ ئەمساڵ پێشبینی دەکرێت بەرهەمەکە بگاتە زیاتر لە ملیۆنێک و 500 هەزار تۆن.
​زیادبوونی زەوییە چێندراوەکان: ڕووبەری چاندنی گەنم لە هەرێم گەیشتووەتە سێ ملیۆن دۆنم.
​بنیاتنانی سایلۆی مۆدێرن: بە گوژمەی نزیکەی 85 ملیار دینار، چوار سایلۆی گەورە و دۆستی ژینگە لە شێوازی ستیل لە (قوشتەپە، کەلار، بەردەڕەش-ڕۆڤیا، و هەڵەبجە) دروست کراون کە تەمەنی بەکارهێنانیان دەگاتە 80 ساڵ.
​بەبازاڕکردن و هەناردەکردنی گەنم بۆ دەرەوە:
​لە ڕێگەی کەرتی تایبەت و پڕۆژەی ستراتیجیی بەبازاڕکردنەوە، کۆگەی نوێ بە توانای هەڵگرتنی زیاتر لە 800 هەزار تۆن گەنم دابین کراون تا گەنمی زیادە بکرێتە ئارد و ماکەرۆنی بۆ بازاڕی ناوخۆ.
​بەپێی بڕیارێکی نوێی دەستەی وەبەرهێنان لە حوزەیرانی 2026، ڕەزامەندی دراوە بە 11 کۆمپانیا و بازرگان بۆ کڕینەوەی گەنمی زیادەی جووتیاران و هەناردەکردنی بۆ دەرەوەی وڵات.
​#Kurdistanpress