کورتەی هەواڵ:
شاندێکی باڵا لەسەر ئاستی ئەنجومەنی وەزیرانی هەرێمی کوردستان بە مەبەستی تاوتوێکردنی چەند پرسێکی گرنگی دارایی و ئابووری سەردانی بەغدای کردووە و لەگەڵ تەیف سامی، وەزیری دارایی فیدراڵ و بەرپرسانی باڵای بانکی کۆدەبێتەوە.
تەوەرە سەرەکییەکانی گفتوگۆکان:
پرسی مووچە و داهات: گفتوگۆکردن لەسەر داهاتی نانەوتی و دابینکردنی تمویلی مووچەی مانگی ٦ی فەرمانبەرانی هەرێمی کوردستان لە چەند ڕۆژی داهاتوودا.
یەکلاکردنەوەی کێشەی ١٢٠ ملیار دینارەکە: شاندەکە کار دەکات بۆ چارەسەرکردنی پرسی بڕینی ١٢٠ ملیار دینارەکە کە بەغدا دەیەوێت بە شێوازی "مەقاسە" بەهۆی کەمیی داهاتی ناوخۆی هەرێمەوە بیبڕێت. پێشنیاری هەرێم ئەوەیە بڕەکە کەم بکرێتەوە بۆ (٥٠ تا ٦٠ ملیار دینار) یان بەپێی ڕاپۆرتی دیوانی چاودێری دارایی یەکلا بکرێتەوە.
سیستمی ئەسیکۆدا (ASYCUDA): گفتوگۆکردن لەسەر میکانیزمی جێبەجێکردنی ئەم سیستمە دیجیتاڵییە گومرگییە لە دەروازە سنوورییەکانی هەرێمی کوردستان کە پێشتر لە ناوەڕاستی ئەم مانگەدا ڕێککەوتنی لەسەر کرابوو.
ئەندامانی شاندی ئەنجومەنی وەزیران:
شاندەکە لە (د. ئومێد سەباح - سەرۆکی دیوان)، (د. ئامانج ڕەحیم - سکرتێری ئەنجومەنی وەزیران)، و (د. عەبدولحەکیم خەسرەو - سەرۆکی فەرمانگەی هەماهەنگی و بەدواداچوون) پێکهاتووە.
سەردانی شاندی وەزارەتی شەهیدان:
هاوکات، شاندێکی دیکەی وەزارەتی کاروباری شەهیدان و ئەنفالکراوان بە سەرۆکایەتی وەزیر عەبدوڵا مەحمود بۆ ماوەی ٥ ڕۆژ لە بەغدا دەبن، بە مەبەستی گفتوگۆکردن و یەکلاکردنەوەی پرسی منحەی کەسوکاری شەهیدان و زیندانیانی سیاسی لەگەڵ حکومەتی عێراق.
#Kurdistanpress
وەڵام بدەوه