ئاراس جهبار، شارهزای كهشناسی ڕایگهیاند، سبەی دووشەممە 4/5/2026 لە ئەنجامی کاریگەریی بارستە هەوایەکی سارد لەدەریای ناوەڕاستەوە بۆ سەر ناوچەکانمان ئاسمانی هەرێمی كوردستان بە زۆری نیمچەهەور بۆ هەوری تەواو دەبێت و لەکاتەکانی بەرەبەیانەوە بۆ نیوەڕۆ ئەگەری دروستبوونی ناجێگیریەک لە بەرگەهەوادا دەبێت و تاوەباران و چالاکبوونی هەورەبرووسکە لە زۆرێکی ناوچەکانی سنووری پارێزگای دهۆک و هەولێر و ئیدارەی سۆران و راپەڕین و هەندێ لە ناوچەکانی سنووری پارێزگای سلێمانی و کەرکووک و هەڵەبجە دەبێت، پلەی گەرما بەراورد بە ئەمڕۆ بەرێژەی 4 تا 5 پلە نزم دەبنەوە، رێژەی بارانەکە بەجیاوازی شوێنەکان لەنێوان 1 ملم تا زۆرترین رێژە 15 ملم دەبێت بەتایبەت لەناوچە شاخاوییەکان.
گوتیشی، لە ئەنجامی کاریگەریی ئەو بارستەهەوایە لە سبەیەوە تا کۆتایی هەفتە پلەی گەرما لە ناوچەکانمان بە جێگیری دەمێنێتەوە و بەرزبوونەوە بەخۆیەوە نابینێت و کەش لە رۆژدا فێنک و لەشەواندا کەمێک سارد دەبێت.
وەڵام بدەوه