ئێران مەرجی خۆی بۆ ڕاگرتنی شەڕ راگەیاند

عەباس عراقچی، وەزیری دەرەوەی ئێران بۆ كەناڵی (الجزیرە) :
مەرجەکانی ئێران گەرەنتییەکە بۆ ئەوەی هێرشەکان دووبارە نەبنەوەو قەرەبووی زیانەکان بکەنەوە. ناکرێت هەڕەشە لە گەلی ئێران بکرێت و سەرۆکی ئەمریکاش دەبێت بە ڕێزەوە قسەیان لەگەڵ بکات. گەرووی هورمز بەتەواوی کراوەیە تەنیا بەڕووی ئەوانەدا داخراوە کە شەڕ لە دژی ئێمە دەکەن. هەموو ڕێوشوێنێکی پێویستمان گرتووەتەبەر بۆ دڵنیابوون لە تێپەڕبوونی سەلامەتی کەشتییە دۆستەکان بەناو گەرووی هورمزدا. گەرووی هورمز دەكرێت رێڕەوێک بێت بۆ ئاشتی و رێکارەکانی بەڕێوەبردنی پەیوەستە بە دەوڵەتانی کەنار دەریاکان.ئامادەین بۆ هەر روبەڕوبوونەوەیەکی زەمینی، هیوادارم دوژمنەکانمان حیساباتی هەڵە نەکەن. ئێمە شەڕمان نەویست، دەستمان پێ نەکرد و تەنها بەرگری لە خۆمان دەکەین. هێرش ناکەین سەر دۆستەکانمان لە کەنداو؛ ئێمە تەنها بنکە و بەرژەوەندییەكانی ئەمریکا دەکەینە ئامانج. لە ئایندەدا ئاستەنگی دروست دەبێت لە دروستکردنی متمانە لەگەڵ وڵاتانی دراوسێ، بەڵام دڵنیام دووبارە دروستی دەکەینەوە.