ئەمڕۆ باران دەبارێ‌

كەشناسی كوردستان پێشبینی كردووە ئەمڕۆ لە ناوچە چیاییەكانی هەرێمی كوردستان باران ببارێ‌ و سبەیش پلەكانی گەرمی بەرزبوونەوە تۆمار دەكەن، خێرایی بایش بەشێوەیەكی مامناوەند دەمێنێتەوە.

ئەمڕۆ شەموو 15ـی تشرینی یەكەم، لە راگەیەنراوێكی بەڕێوەبەرایەتیی گشتی كەشناسی و بوومەلەرزەزانی هەرێمی كوردستاندا هاتووە، ئەمڕۆ ئاسمان پەڵەهەور و نیمچەهەور دەبێت، لە كاتەكانی شەودا دەگۆڕێت بۆ هەوری تەواو لەگەڵ ئەگەری بارینی نمەباران لە ناوچە شاخاوییە سنوورییەكان. 

كەشناسی بۆ سبەی پێشبینی كردووە، پلەكانی گەرما بەرز دەبێتەوە بە بەراورد بە تۆماركراوەكانی ئەمڕۆ و خێرایی با بەشێوەیەكی مامناوەند دەبێت.

پێشبینییەكان بۆ بەرزترین پلەكانی گەرمای لە سبەی بەم شێوەیەیە:
هەولێر : 35 پلەی سیلیزی
سلێمانی : 34 پلەی سیلیزی
دهۆك : 34 پلەی سیلیزی
كەركووك : 37 پلەی سیلیزی
هەڵەبجە : 36  پلەی سیلیزی
زاخۆ : 35 پلەی سیلیزی
سۆران : 33 پلەی سیلیزی
گەرمیان : 39 پلەی سیلیزی