پێشبینی دەكرێت سبەی سێشەممە لە سەنتەری شارەكان و زۆربەی ناوچەكانی هەرێمی كوردستان باران ببارێت، لە هەندێك شوێن بارانەكە ئەوەندە بەخوڕ دەبێت كە مەترسی دروستبوونی لافاویشی دەبێت.
ئاراس جەبار شارەزای كەشناسی دەڵێت: سبەی سێشەممە کاریگەری شەپۆڵەکەی دەریای ناوەراست دەگاتە هەرێمی كوردستان و لە کاتەکانی نیوەرۆ بەدواوە ئاسمان بە زۆری دەگۆرێت بۆ نیمچەهەور و هەوری تەواو.
دەشڵێت: پێشبینی كراوە دوای نیوەڕۆی سبەی سێشەممە لە سنووری پارێزگای دهۆک و ئیدارەی زاخۆ و ئیدارەی سۆران و ئیدارەی راپەرین باران ببارێت، بەهەمانشێوە لە سەنتەری پارێزگاکانی هەولێر و سلێمانی و کەرکووک و هەڵەبجە ئاسمان بە زۆری دەگۆرێت بۆ نیمچەهەور و لە هەندێك شوێن هەورەبروسکە چالاک دەبێت لەگەڵ بارینی نمەباراندا.
دەشڵێت: بەهۆی هاتنی ئەم شەپۆڵەوە، سبەی پلەکانی گەرما 2 پلە نزم دەبنەوە و خێرایی باش مامناوەند دەبێت.
شارەزاكەی كەشناسی هۆشداریشی دا لە بارینی تەرزە و بارانی بەخوڕ لە هەندێك شوێندا كە رەنگە ببێتە هۆی دروستبوونی لافاوی خێرا، بۆیە پێویستە هاووڵاتییان لە هەندێك شوێن ئاگاداربن.
جەختیشی كردەوە كە شەپۆڵەكە بۆ ئێوارەی رۆژی چوارشەممە كۆتایی دێت و كەشوهەوا ئاسایی دەبێتەوە.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه