وەزارەتی سامانە سروشتییەکان، نەوتی سپی ماڵان لە چەند ناوچەیەکی پارێزگای هەڵەبجە دابەش دەکات.
بەڕێوەبەرایەتیی نەوت و کانزاکانی هەڵەبجە، بڵاوی کردەوە: "سبەی شەممە 18ی 10ی 2025، لە سنووری پارێزگای هەڵەبجە، دەست بە دابەشکردنی نەوتی سپی دەکرێت.
ئاماژەی بەوەش داوە، دابەشکردنی نەوت سەرەتا لە تەوێڵەوە دەست پێدەکرێ و پرۆسەکە بەردەوام دەبێت تا تەواوی هاووڵاتییان بەشەنەوتی خۆیان وەردەگرن.
ئاشکراشی کردووە، هەر ماڵێک 200 لیتری پێ دهدرێ و لهبهرامبهردا 104 هەزار دینار وەردەگیرێت، وەرگرتنی نەوتەکەش تەنیا کارتی زیرەکی نەوتی پێویستە.
پێشتر کەمال محەمەد، وەزیری سامانە سروشتییەکان بە وەکالەت ڕایگەیاندبوو: "لە مانگی شەش داواکارییمان دایه سەرکی حکوومەت ڕەزامەندیی دا ئەمساڵیش بە نرخی پاڵپشتی نەوت دابەش دەکرێت."
ئاماژەی بەوەش دا: "لە سێ ساڵی پێشوودا، بە نرخی پاڵپشتی نەوت دابەش کراوە، لە هەندێک شوێن ساڵانە دوو بەرمیل نەوت بە ماڵان دراوە."
وەزیری سامانە سروشتییەکان ئاشکراشی کرد: "ساڵانە 267 ملیۆن لیتر نەوتمان دابەش کردووە و بەغدا لە باشترین حاڵەتدا نەوتی سپیمان بۆ بنێرێ، تەنیا 50 ملیۆن لیتر دەنێرێت."
وەڵام بدەوه