كۆبوونەوەی نێوان پارتی دیموكراتی كوردستان و یەكێتی نیشتمانی كوردستان كۆتایی هات و بە گوێرەی راگەیەنراوی كۆبوونەوەكەدا، هەردوولا هاوڕان هەوڵەكان چڕ بكرێتەوە بۆ چارەسەری كێشەی مووچەی فەرمانبەران.
راگەیەنراوەكە سەرنجی خستووەتە سەر پێشهات و كێشەكانی هەرێمی كوردستان و عێراق و كێشەی مووچەی فەرمانبەران، هەردوولا هاوڕابوون كە هەموو هەوڵەكان چڕ بكرێتەوە بۆ چارەسەری كێشە و دابینكردنی مووچەی شایستەداراییەكانی هەرێمی كوردستان و تەواوی ئەو هەنگاوانە پێویست لە چوارچێوەی دەستوور دا بە ئاراستەی چارەسەری بە هاوئاهەنگی هەردوولادا بهاوێژرێت.
هەروەها هەردوولا هاوئاهەنگ بوون لەسەر پتەوكردنی زیاتری پێوەندی نێوان پارتی و یەكێتی بۆ ئەوەی پێكەوە رووبەڕووی ئاستەنگەكان ببنەوە و پارێزگاری لە قەوارەی كوردستان و دەستكەوتەكان بكەن.
كۆبوونەوەی ئەمڕۆ بەسەرپەرشتی سەرۆك بارزانی بەڕێوەچوو، شاندی یەكێتی لەلایەن بافڵ تاڵەبانی سەرۆكایەتی كرا و هەریەكە لە نێچیرڤان بارزانی سەرۆكی هەرێمی كوردستان و مەسروور بارزانی سەرۆك وەزیرانی كوردستان ئامادە بوون.
وەڵام بدەوه