قیڕتاوکردنی شەقامەکانی گەڕەکی ڕۆشەنبیری لە هەولێر

بەگوژمەی ٤٣٣ ملیۆن دینار لەسەر داھاتی  ١٥ ٪‏ سەرۆکایەتی شارەوانی ھەولێر پڕۆژەی قیڕتاوکردنی قۆناغی دووەم و سێ یەم شەقامەکانی گەڕەکی ڕۆشەنبیری 
بەردەوامە 
پارێزگای هەولێر و  سەرۆکایەتی شارەوانی هەولێر، بەردەوامن لە گەیاندنی خزمەتگوزاری بۆ گەڕەک و شەقامەکانی شار بەتایبەت بۆ گەڕەکەکانی باشووری ھەولێر .. 
سەرلەبەیانی ئەمڕۆ شەممە ٢٠٢٢/٩/٢٤ بەئامادەبوونی ساسان عەونی وەزیری شارەوانی، ئومێد خۆشناو، پارێزگاری هەولێر، مەسعود کاڕەش، جێگری پارێزگار، ئەندازیار عبدالواحد احمد، سەرۆکی شارەوانی هەولێر و نەبەز عبدالحمید، قایمقامی قەزای ناوەندی هەولێر کارزان عبدالهادی جێگری سەرۆکی شارەوانی. بە مەبەستی گەیشتن بە یەکسان کردنی خزمەتگوزاری بۆ ھەردوو زۆنی باشوور و باکووری ھەولێر پڕۆژەی قیڕتاو کردنی چەند شەقامێک لە گەڕەکی ڕۆشنبیری لە پشت گۆڕستان/ قۆناغی دووەم) بە گوژمەی (١٧٤،٣٣٥،٠٠٠) سەد و حەفتا و چوار ملیۆن و سێ سەد و سی و پێنج هەزار دینارە کە لەسەر بودجەی ١٥%ی داهاتی سەرۆکایەتی شارەوانی هەولێر بە شێوەی بەڵێندەرایەتی جێبەجێ دەکرێت.
پڕۆژەکە پێک دێت لە ئامادەکردن و قیرتاوکردنی ١٤ شەقام و بە رووبەری ١١٩٠٠ م٢
هاوکات لە هەمان گەڕەک پرۆژەی قیرتاوکردنی گەرەکی رۆشنبیری  پشت گۆرستان /قۆناغی سێیەم بە گوژمەی (٢٥٩،٣٠٥،٠٠٠) دووسەدو پەنجاو نۆ ملیۆن و سێ سەدوو پێنج هەزار دینار کە لە ١٧ کۆلان پێکهاتووە نزیکەی ١٧٦٠٠م٢ قیردەکرێت بە شێوەی بەڵێندەرایەتی لەسەر داهاتی ١٥٪؜ سەرۆکایەتی شارەوانی هەولێر جێبەجێ دەکرێت .