ئاگاداری بۆ ئەو مووچە خۆرانە هات

ئەو مامۆستایانەی خوێندنی کوردی لە کەرکووک ئاگادار دەكرێنەوە كە لە (هەژماری من) تۆمار كراون و كارتەكانیان لە بانك پێ دەدرێتەوە.
ئەمڕۆ 29/6/2025، بەشی ڕاگەیاندنی خوێندنی کوردی لە كەركووك بڵاوی کردووەتەوە، دەیان مامۆستا ناویان دەرچووە و پێویستە رۆژی دووشەممە 30ی6 سەردانی بانکی چەمچەماڵ بکەن بۆ وەرگرتنەوەی کارتی مووچە (هەژماری من).
ئاماژە بەوەش دراوە، تەنیا ئەوانەی کورتەنامەیان بۆ هاتووەتەوە دەتوانن بۆ وەرگرتنەوەی کارتەكانی مووچە سەردانی بانکی چەمچەماڵ بکەن.
جەختیش كراوەتەوە لە كاتی سەردانیكردنی بانكدا دەبێت مامۆستایان ئەم بەڵگەنامانەی خوارەوەتان پێ بێت:
*ناسنامەی باری شارستانی یاخود کارتی نیشتمانی
* ژمارەی مۆبایلەکەت (ئەو ژمارەی کە هەژمارە بانکییەکەت لەسەر تۆمار کراوە).
باسی ئەوەش كراوە، هەر كەسێك کارتی بانکی وەرگرتووتەوە پێویست ناکات سەردانی بانکی چەمچەماڵ بکاتەوە.