بەهۆی ڕووداوێک سێ هاوڵاتی گیانیان لەدەستدا

سەرچاوەیەک لە بەرگری شارستانی هەولێر رایگه‌یاند، به‌یانی ئه‌مڕۆ هه‌ینی لەنزیك ناحیەی شەمامك به‌هۆی كه‌وتنه‌وه‌ی ئاگرێكه‌وه‌ سێ كه‌س گیانیان له‌ده‌ستدا كه‌ دو كه‌سیان كارمه‌ندی بەرگریی شارستانین.

سەرچاوەیەک لە بەرگری شارستانی هەولێر  رایگه‌یاند، به‌یانی ئه‌مڕۆ هه‌ینی ئاگرێك لە پاڵاوگەیەکی سەر رێگای هەولێر-مەخمور كه‌وته‌وه‌، ده‌ستبه‌جێ تیمه‌كانی به‌رگری شارستانی ره‌وانه‌ی شوێنی روداوه‌كه‌ كران به‌مه‌به‌ستی كۆنتڕۆڵكردنی.

وتیشی، "له‌كاتی گه‌یشتنی تیمه‌كانی به‌رگری شارستانیش بۆ كۆنتڕۆڵكردنی ئاگره‌كه‌، هه‌وڵیانداوه‌ رێگه‌ له‌ ته‌شه‌نه‌سه‌ندنی ئاگره‌كه‌ بگرن تاوه‌كو نه‌گاته‌ خه‌زانه‌كانی نه‌وت، به‌ڵام دو كارمه‌ند و شۆفێرێك كه‌وتونه‌ته‌ ناو خه‌زانێكه‌وه‌ و ده‌ستبه‌جێ هه‌رسێكیان گیانیان له‌ده‌ستداوه‌".

ئه‌وه‌شیخسته‌ڕو، دوای كۆنتڕۆڵكردنی ته‌واوه‌تی ئاگره‌كه‌، تیمه‌كانیان لێكۆڵینه‌وه‌ له‌باره‌ی هۆكار و زیانه‌كانی دیكه‌ی ئه‌و روداوه‌ ئه‌نجامده‌ده‌ن.