بارانی بەخوڕ هەرێمی کوردستان دەگرێتەوە

هەڤاڵ سەدیق گەڵۆزی، شارەزای بواری کەشناسی بڵاوی کردەوە: "لە سبەینێوە کە دەکاتە ڕۆژی چوارشەممە 30/4/2025، بەهۆی هاتنی بارسته هەوای گەرما خەماسینی کە بە بارسته هەوایەکی گەرم و وشك ناسراوە پلەکانی گەرما دوو تا سێ پلەی سیلیزی بەرز دەبێتەوە و کەشێکی گەرم دروست دەبێت، لە ڕۆژی پێنجشەممەوە، کاریگەری بارسته هەوایەکە لەسەر تەواوی ناوچەکانی عێراق، نیمچەدورگەی عەرەبی، وڵاتانی شام و هەرێمی کوردستان زیاتر بەرز دەبێتەوە و پلەکانی گەرمای هەستپێکراو لە ناوچە دەشتاییەکانی هەولێر، کەرکوک و گەرمیان 40 پلەی سیلیزی تێپەڕ دەکات و لە ناوچە شاخاوییەکان لەنێوان 31 تا 32 پلەی سیلیزی دەبێت و لە ناوچەکانی باشووری عێراقیش 43 پلەی سیلیزی تێپەڕ دەکات."

روونیشی کردووەتەوە: "لە ڕۆژی هەینییەوە پلەکانی گەرما لە ناوچە جیاوازەکان دابەزین بەخۆیەوە دەبینێت و شەپۆلێکی تاوە باران و هەورەبرووسکە و تەرزە ڕوو لە هەرێمی کوردستان دەکات."