حەمید دەربەندی، پەیامی سەرۆک بارزانی لە کۆنفرانسی یەکڕیزی و یەکهەڵوێستی کورد لە ڕۆژئاوای کوردستان خوێندەوە، تێیدا سەرۆک بارزانی هیوای خواست ئەم کۆنفرانسە ببێتە هۆی بونیادنانی دواڕۆژێکی ڕوون بۆ کوردانی سووریا.
ئەمڕۆ 26-4-2025، کۆنفرانسی یەکڕیزی و یەکهەڵوێستی لایەنە سیاسییەکانی ڕۆژئاوای کوردستان لە شاری قامشلۆ دەستی پێکرد، بە ئامانجی هاوهەڵوێستی و گەیشتن بە بۆچوونی هاوبەشی لایەنە سیاسییەکان و ئامادەکردنی ڕەشنووسێکی هاوبەش لەسەر چۆنیەتی بەشداریکردنی کورد لە ئاییندەی پرۆسەی سیاسی و حکومڕانیی سووریا، دکتۆر حەمید دەربەندی، بەرپرسی دۆسیەی سووریا و ڕۆژئاوای کوردستان لە بارەگای بارزانی، وەک نوێنەری سەرۆک بارزانی لە کۆنفرانسەکە بەشدارە.
سەرۆک بارزانی لە پەیامەکەیدا هەوڵی یەکڕیزی کوردی بە هەنگاوێکی گرنگ و مێژوویی وەسف کرد و سوپاسی هەوڵی هەموو لایەنەکانی کرد بۆ بەستنی ئەم کۆنفرانسە.
بەشێک لە قسەکانی پەیامەکەی سەرۆک بارزانی:
- هیوادارم ئەم کۆنفرانسە ببێتە هۆی بنیادنانی دواڕۆژێکی ڕوون بۆ ئایندەی کورد لە سووریا.
- ئەمڕۆ دەرفەتێکی باش بۆ گەلەکەمان ڕەخساوە.
- پشتگیری لە هەر هەوڵێکی دڵسۆزانە دەکەم بۆ یەکڕیزی گەلی کورد.
- ئاڵنگارییەکانی ناوچەکە، گرنگی خەباتی سیاسی و ئاشتییانە دەردەخات.
- جەخت لە بەشداریی چالاکانەی کورد لە بڕیارەکانی داهاتووی سووریا دەکەینەوە.
- پشتگیری لە سووریایێکی دیموکرات دەکەین کە مافی هەموو پێکهاتەکانی تێدا پارێزراو بێت.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه