ئاگاداری بۆ خانەنشینان هات

ئاگادارییەك لە بەڕێوبەرایەتی گشتی خانەنشینی / وەزارەتی دارایی و ئابووری .
ئاگاداریی سەرجەم ئەو خانەنشینانە دەكەینەوە  كە بەرواری لە دایك بوونیان لەنێوان ساڵانی (١٩٢٠ تا ١٩٤٠)ـە كە مووچەكانیان لە بانكی (عەنكاوە) لەسنووری پارێزگای هەولێر وەردەگرن.
تكایە ڕۆژانی چوار شەممە و پێنج شەممەی ئەم هەفتەیە كە دەكاتە (٢٣ و ٢٤ ی نیسان) سەردانی بانكی عەنكاوە بكەن بەمەبەستی وەرگرتنەوەی كارتی بانكەكانیان لە چوارچێوەی پڕۆژەی هەژماری من.
پێویستە خانەنشینانی بەڕێز هەریەك لە بەڵگەنامەكانی كارتی نیشتیمانی/كارتی زانیاری لەگەڵ خۆیان بهێنن.
تێبینی : تیمەكان لە كاتژمێر (٨،٣٠) بەیانی تا كاتژمێر (٢،٣٠ )ـی پاش نیوەڕۆ لە بانك دەبن بۆ پێدانەوەی كارتەكان.
بۆ زانیاری زیاتر، تكایە پەیوەندی بكەن بە سەنتەری خزمەتگوزاری هەژماری من بە ژمارە ١٩٩١ .
بەڕێوبەرایەتی گشتی خانەنشینی / وەزارەتی دارایی و ئابووری.     
٢٢ ی نیسانی ٢٠٢٥.