هەورە بروسکەو تەرزە هەرێمی کوردستان دەگرێتەوە

تەرزە دەبارێت

هەڤاڵ سدیق گەڵۆزی شارەزای کەشناسی دەڵێت، لەسبەینێوە کەدەکاتە دووشەممە ڕێکەوتی
(٢١ / ٤/ ٢٠٢٥)بەهۆی هاتنی بڕێک شێ مەداری لەدەریای سوورەوە لەکاتەکانی پێش عەسر بۆکاتی ئێوارە ئاسمان  دەگۆڕێت بۆ هەوری تەواو  کەشێکی ناسەقامگیر و تاوەبارانی بەهاری و هەورە بروسکە و تەرزە بەشێک لە ناوچه شاخاوییەکانی دهۆک و سۆران و ڕاپەڕین وباکووری خۆرهەڵاتی سلێمانی و ناوچەکانی ڕۆژی ئاوای عێراق و باشووری عێراق دەگرێتەوە.

دەشڵێت، گشتگیرنیە تاوەباران بەشێوەی هەڕەمەکی دەبێت مەرج نیە لەهەموو شوێنێک ببارێت ،بۆیە ،ناتوانین ناوچەکان بەتەواوی دیاری بکەین چونکەتاوەبارانی هەڕەمەکییە، بەگوێرەی نەخشەکان لەناوجەکانی ڕۆژئاوای عێراق بارانەکەی باشتردەبێت ،ئەگەری نمەباران بۆ بارانی مامناوەند هەیە، بای باشوور چالاک دەبێت لەکاتەکانی نیوەڕۆ بۆ عەسر بەشێوەیەکی بەرچاو زیاد دەکات لەهەندێ شوێن و کات
(٤٠ - ٥٠)کیلۆمەترتێپەڕدەکات لەکاتژمێکدا ئەگەری خۆڵبارین هەیە لەناوچەکانی ڕۆژئاوای هەرێم موسڵ و دهۆک و هەولێر ،پلەکانی گەرما بەبەراورد لەگەڵ ئەمڕۆ یەکشەممە (٢)پلە سیلیزی زیاتر بەرزدەبێتەوە لەکۆتایی ئەم هەفتەیە نزمەپەستانی خەماسینی دێته ناوچەکەمان پلەکانی گەرمابەشێوەیەکی بەرچاوبەرزدەبێتەوە .