پشکی هەرێمی کوردستان دیاریکرا

پشکی هەرێمی کوردستان لە پرۆژە یاسای بودجەی عێراق بە ڕێژەی سەدا 12 پۆینت 70 دیاری کراوە.
 بەپێی ڕاپۆرتێکی فەرمانگەی میدیا و زانیاری هەرێمی کوردستان، ڕێژەی دانیشتووانی هەرێمی کوردستان 14.14٪ـە لە عێراق، بەمەش هەر کەمکردنەوەیەک کاریگەری نەرێنیی دەبێت لەسەر بەشە بودجەی کوردستان. بودجەی ساڵی داهاتووی عێراق بە 160 تریلۆن دینار دەخەمڵێنرێت، بەڵام سەرەتا بودجەی سیادی و بودجەی حاکیمەی لێ دەردەهێنرێت، کە هەردووکیان بە 60 تریلۆن دینار دەخەمڵێنرێن.واتا 100 تریلۆن دینار دەمێنێتەوە، لەو 100 تریلۆنە پشکی کوردستان جیا دەکرێتەوە، دەکاتە 12 تریلۆن و 700 ملیار دینار، سەدا سێ لە بودجەی ساڵی ڕابردوو زیاتر دەبێت. ئەمە لەکاتێکدا حکومەتی کوردستان تەنها بۆ مووچە ساڵانە پێویستی بە 11 تریلۆن و 700 ملیار دینار هەیە. پشکی کوردستان لە بودجە سەدا 12.7
- بودجەی گشتیی عێراق؛ 160 ترلیۆن دینار
- بودجەی سیادی و حاکیمە؛ 60 ترلیۆن دینار
بودجەی بەکاربردن و مووچە؛ 100 ترلیۆن دینار
- بودجەی کوردستان؛ 12.7 ترلیۆن دینار