گروپێک بازرگانی ماددەی هۆشبەر دەسگیرکران

* هەڵوەشانەوەی تۆرێکی بڵاوکردنەوەو بازرگانی بەماددەی هۆشبەر لەجۆری ماریجوانا کەپێکهاتوون لە ٥ کەس لەگەڵ دەستبەسەرداگرتنی نزیکەی ٦ کیلۆگرام ماریجوانا ..

لەبەردەوامی هەوڵەکانمان بۆ ڕووبەڕووبوونەوە و نەهێشتنی ماددە هۆشبەرەکان، بەرێوەبەرایەتی نەهێشتنی ماددەهۆشبەرەکان دوای وەرگرتنی بڕیاری بەڕێز دادوەری لێکۆڵینەوەی ئاساییش، لەناو شاری هەولێر توانیان تۆڕکی بڵاوکردنەوە و بازرگانی کردن بەماددەی هۆشبەر لەجۆری ماریجوانا دەستگیربکەن، لەم چاڵاکیەدا توانرا نزیکەی ٦ کیلۆگرام مەریجوانا دەستی بەسەردا بگیرێت، شایانی باسە دەستگیرکردنی ئەم تۆڕە تەواوکەری ئەو تۆڕەیە کەپێشتر لەڕاگەیندراوی پێشووی بەڕێوەبەرایەتیمان بڵاومانکردۆتەوە کە تیایدا دوو تۆمەتبار و نزیکەی ١ کیلۆگرام لەهەمان ماددە دەستی بەسەردا گیرا بوو .
ئەم تۆڕە مەترسیداریەکەیان لەوەدا بوو کە پێکهاتەکەیان لەکەسانی عەرەب و کورد پێکهاتبوون و ئافرەتیان بەکاردەهێنا بۆ فێرکردنی منداڵ و گەنج و لاوی پارەدار و پاشان فرۆشتنی ئەم ماددەهۆشبەرە پێیان بەو نرخەی کەخۆیان دەیانویست.

دۆسیەی تاوان بۆتەواوی دەستگیکراوان کراوەتەوەو بەپێی یاسای بەرەنگاربونەوەی ماددەهۆشبەرەکان و کارتێکەرە ئەقلیەکان مامەڵەیان لەگەڵدا دەکرێت.

بەرێوەبەرایەتی نەهێشتنی ماددەهۆشبەرەکان.
١٧ی ٤ی ٢٠٢٥