لیستی مووچەی مانگی چوار ئامادەیە

بەرپرسێکی بایۆمەتری ئاشکرای دەکات، بەشی زۆری فەرمانگەکان لیستی مووچەی مانگی چواریان ئامادەیە و وردبینیش کراوە، دەشڵێت: "زۆربەی ئەوانەیشی بۆ گەنجینە نێردراون، وردبینیان تەواو بووە و ئامادەن."
یادگار جەبار، بەرپرسی بایۆمەتری لە سلێمانی، ڕایگەیاند: "لیستی مووچەی مانگی چوار بە سیستەمی (پەیرۆڵ) ئامادەیە و لە زۆربەی فەرمانگەکان وردبینی تەواو بووە و بۆ گەنجینە نێردراون دەبێت ئەمڕۆ تەواو بکرێت."
ئەوەشی خستە ڕوو: "428 یەکەی ژمێریاری لە سنووری سلێمانی، هەڵەبجە، گەرمیان و ڕاپەڕین هەن، تەنیا 50 فەرمانگەیەک ماون لیستیان تەواو نەبووە و ئەوانیش تەواو دەبن، زۆربەی ئەوانەیشی بۆ گەنجینە نێردراون، وردبینیان تەواو بووە و ئامادەن."
لە ڕۆژی 10/4/2025، بۆ ئامادەکردنی لیستی مووچەی مانگی چوار، سیستەمی (پەیرۆڵ) کارا کراوە.
لە لایەكی دیكەوە، سەرچاوەیەک لە گەنجینەی هەولێر  ڕایگەیاند: "چەند ڕۆژێکە وردبینیی لیستی مووچەمان دەست پێکردووە و بەشێکی کەمی وردبینی ماوە و ئەمڕۆ تەواو دەکرێت."
دوێنێ چوارشەممە 16/4/2025، پێشەوا هەورامانی، گوتەبێژی حکوومەتی هەرێمی کوردستان ڕایگەیاند: "هەفتەی داهاتوو لیستی مووچه ڕەوانەی بەغدا دەکرێت