لەبارەی لیستی مووچەی مانگی چوار زانیاری هات

ئامادەکردنی لیستی مووچەی مانگی چوار تەواو بوو، سەرجەم وەزارەت و دەستەکان بە سیستەمی پەیرۆڵ بۆ وەزارەتی داراییان ناردووە، لە وەزارەتی دارایی وردبینی بۆ دەکرێت و بەتەواوی ڕێکدەخرێت.

هەوڵەکان بە مەبەستی ناردنی مووچەی مانگی چوار لە کاتی خۆی بەردەوامە، ئامادەکارییەکانی وەزارەتی دارایی کوردستان بۆ لیستی مووچە کۆتایی هات.

 بەپێی ئەو زانیاریان  کۆتایی ئەم هەفتەیە لیستەکە بۆ بەغدا دەنێردرێت.

 هەفتەی داهاتوو شاندێکی تەکنیکی وەزارەتی دارایی کوردستان دەچێتە بەغدا، بۆ وەڵامدانەوەی پرسیار و تێبینییەکانی وەزارەتی دارایی عێراق، هەر هەفتەی داهاتوو دەست بە وردبینیکردن لە لیستی مووچە و ڕێککارەکانی خەرجکردنی پارە دەکرێت، بەو ئامانجەی ناردنی پارە و دابەشکردنی مووچە دوانەکەوێت و نەکەوێتە مانگی داهاتوو.