پارەی ئەو کەسانە گەیشت و سبەی دابەشدەکرێت

سبەی لە ئیدارەی سەربەخۆی ڕاپەڕین پاداشتی کارمەندانی ڕۆژی هەڵبژاردنی پەرلەمانی کوردستان دابەش دەکرێت.
بانکی قەڵادزێ لە ئیدارەی سەربەخۆی ڕاپەڕین، بڵاوی کردەوە، سبەی چوارشەممە 12/3/2025، پارەی کارمەندانی کۆمسیۆن دابەش دەکرێ.
ئاماژەی بەوەش داوە: "پاداشتی کارمەندانی ڕۆژی هەڵبژاردنی پەرلەمانی کوردستان، لە بانکەکەمان بەپێی چەند ڕێکارێک دابەش دەکرێت."
بانکەکە جەختی کردووەتەوە، دەبێ کارمەندەکە خۆی ئامادەبێت و کارتی نیشتمانیی و کارتی بایۆمەتری دەنگدانی پێ بێت.
دووپاتیشکراوەتەوە، هیچ کەس ناتوانێ لەبڕی کەسی دیکه پارە وەربگرێ
ئەو كارمەندانە، كە فەرمانبەری حكوومەت نەبوون، 250 هەزار دینار وەردەگرن و ئەوانەیشی فەرمانبەری حكوومەتن، بڕی 150 هەزار دینار وەردەگرن.
لەپاڵ ئەو كارمەندانە، بڕیار دەرچووە پارە بۆ كارمەندانی یەدەگیش خەرج دەكرێت.