بەرپرسێكی ئەنجوومەنی وەزبران ئاشكرای دەكات، لە بڕگەی بڕیاری راگرتن و قەدەغەكردنی گواستنەوەی فەرمانبەراندا، تەنسیبكردنی فەرمانبەران ناگرێتەوە و بەردەوام دەبێت، وەزیرێكیش ئاشكرای دەكات، لاری نەبوون بۆ تەنسیب دەداتە فەرمانبەران.
ڕۆژی 12ی 2ی 2025، وەزارەتی دارایی و ئابووریی حکوومەتی هەرێمی کوردستان، گشتاندنی دارایی ژمارە 3ی ساڵی 2025ـی تایبەت بە یەکخستنی ڕێکارە داراییەکان لەنێوان حکوومەتی هەرێمی کوردستان و حکوومەتی فیدراڵ بۆ سەرجەم وەزارەتەکان و فەرمانگەکانی نەبەستراو بە وەزارەت نارد.
لە یەكێك لە بڕیارەكاندا هاتووە: "قەدەغەکردنی گواستنەوەی ڕاژەی فەرمانبەران لەنێوان سەرجەم وەزارەتەکان بە سەربازی و شارستانی."
دوای ئەوەی بەشێكی فەرمانبەران پرسیاریان لەسەر ئەوە كرد، كە ئایا بڕیارەكە تەنسیبیش دەگرێتەوە، بەرپرسێكی حكوومەت روونكرنەوە بەو فەرمانبەرانە دەدات.
د.عەبدولحەكیم خەسرەو، سەرۆكی فەرمانگەی هەماهەنگی و بەدواداچوون لە ئەنجوومەنی وەزیران راگەیاند: "لەو بڕیارانەی دراوە، لە بڕگەی پەیوەست بە بابەتی گواستنەوەدا، تەنسیبی فەرمانبەران ناگرێتەوە، واتا تەنسیب رێگەپێدراوە و كێشەی نییە."
لای خۆیەوە كوێستان محەمەد، وەزیری كاروباری كۆمەڵایەتی بە راگەیاند: "ئێمە فەرمانبەرمان كەمە، بۆیە هەر فەرمانبەرێك بیەوێت تەنسیبی میلاكی وەزارەتمان بێت، ئێمە لارینەبوونی پێ دەدەین."
كاتێك فەرمانبەرێك میلاك و دۆسیە و مووچەی هەر لە فەرمانگەی بنەڕەتیی خۆی دەبێت، تەنیا دەوام و شوێنی كارەكەی دەگۆڕێت، ئەوە پێی دەگوترێت تەنسیب.
وەڵام بدەوه