راگەیەندراوی كۆبوونەوەی یەكێتی و پارتی بڵاوكرایەوە و وردەكارییەكەی دەخریتەڕوو
هەردوو وەفدی دانوستانكاری، یەكێتیی نیشتمانیی كوردستان و پارتی دیموكراتی كۆردستان، ئەمڕۆ شەممە لە سلێمانی كۆبوونەوەیەكی ئەرێنییان ئەنجامدا.
لە راگەیەندراوەكەدا هاتووە، كۆبوونەوەكە تایبەت وو بەخستنەڕوو و گفتوگۆكردنی راپۆرتی لیژنەی هاوبەشی هەردوولا كە بریتیبوو لە تێڕوانینی سیاسی و كارگێڕی و هەنگاوەكانی پەیوەست بە پێكهێنانی كابینەی دەیەمی حكومەتی هەرێمی كوردستان و دامەزراوەكانی دیكە.
لەبارەی ناوەڕۆكی راپۆرتەكە، سەرنج و تێبینیی وەفدی دانوستانكاری هەردوولا خرایەڕوو و میكانیزمی گونجاو بۆ چۆنییەتی رێكخستنەوە و رێككەوتن لەسەر كۆی بابەتەكان قسەی لەسەركرا.
ئاماژە بۆ ئەوەش كراوە، هەر بۆ ئەو مەبەستەش هەردوو وەفدی دانوستانكار بڕیاریاندا درێژە بەكۆبوونەوەكانی نێوانیان بدەن بۆ زیاتر لێكتێگەیشتن و داڕشتنی بەرنامەیەكی هاوبەشی پەسەندكراو لەپێناو بەرژەوەندیی هاوڵاتییانی هەرێم.
وەڵام بدەوه