مزگێنی شەپۆلێكی بارانبارین بەرێوەیە

شاڵاو هیدایەت شارەزای بواری كەشناسی ئاشكرایكردوە، "مزگێنی بۆ برا جوتیارەكانی گەرمیان شەپۆلەكەی 5ی ئەم مانگە بەولاوە بۆ تەواوی ناوچەكان، بارانی پێویست‌و باشی پێوەیە بەتایبەت بۆ كشتوكاڵ، تەواوی جۆرەكانی بەربومی كشتوكاڵی پێ تێر ئاودەبن‌و لەهەندێك ناوچە یەدەگی ئاویشی پێ زیاد دەكات".
‎
ئەوەشی وت:"شەپۆلی ئەمجارە پێكدێت لەنزمە پەستانێكی بەرفراوانی باشی دەریای ناوەڕاست بەهاتنەخوارەرەی تەوژمە هەوایەكی ساردی جەمسەری دروستدەبێت‌و لەهەموو شەپۆلەكانی مانگی (12و 1) باشترەو ئەم كەشە وشكییەكەی ماوەیەكە باڵادەستە لەناوچەكانمان كوتایی پێدێنێت‌و ئاسایی دەكاتەوە".
سەبارەت بەناوچەكانی دیكە بۆ بارینی بەفر، شارەزاكەی بواری كەشناسی وتویەتی:"ئەگەر جێگیربێت لەكۆتاییەكانی شەپۆلەكە هەلومەرج تەواو گونجاوە بۆ بارینی بەفر تایبەت بۆ ناوچە نیمچە شاخاوییەكانیش ئەو شوێنانەی كەوتونە نزیك چیاكان".