سەرۆكی لقی هەولێری سەندیكای هونەرمەندانی كوردستان رای گەیاند، ژمارەیەك لە هونەرمەندانی هەولێر خانەنشین دەبن كە لە ناویاندا هونەرمەند ئەیام ئەكرەم هەیە.
ئەمڕۆ چوارشەم 29ی كانوونی دووەم، هیوا سوعاد سەرۆكی لقی هەولێری سەندیكای هونەرمەندانی كوردستان رای گەیاند، بەهۆی بڕیاری خانەنشینی یەكگرتووی عێراق، ژمارەیەك لە هونەرمەندان خانەنشین دەبن.
زیاتر گوتی، حەوت هونەرمەند خانەنشین دەبن كە لە ماوەی رابردوودا خزمەتی زۆریان بە هونەری كوردی كردووە.
ئەو هونەرمەندانەی خانەنشین دەبن بریتین لە:
ئەحمەد قەڵادزەیی
ئەیام ئەكرەم
شیرین سابیر
ئازاد خەمە
شاهین نەجمەدین
گەلاوێژ تاهیر
ئیسماعیل قادر
پاڵپشت بە داواكاری بۆ جێبەجێكردنی یاسای خانەنشینی یەكگرتووی عێراق، رۆژی 15ی ئەم مانگە، مەسروور بارزانی سەرۆك وەزیرانی كوردستان بڕیاری دا كە تەمەنی 60 ساڵە خانەنشین بكرێن، مەرجی بەغدایش ئەوەیە كە تا كۆتایی ئەم مانگە ئەوانەی خانەنشینی دەیانگرێتەوە، بڕیارەكەیان لەسەر جێبەجێ بكرێت.
وەڵام بدەوه