لەبارەی دامەزراندنی بەشی پزیشکی زانیاری نوێ هات

زانكۆیەک لە گەرمیان ڕایگەیاند، دەرچووانی بەشە پزیشكی و تەندروستییەكان بە بڕیاری وەزارەتی تەندروستی عێراق دادەمەزرێن، بەڵام بە مەرجێك خەڵكی ناوچەكانی دەرەوەی ئیدارەی هەرێمی کوردستان بن.
بەڕێوەبەرایەتیی تۆماری گشتی زانکۆی چەرموو، لە ئاگادارییەكدا بڵاوی کردەوە: "ئەوانەی دانیشتووی سنووری دەرەوەی ئیدارەی هەرێمن و دەرچووانی ساڵی خوێندنی 2023- 2024، لە بەشەکانی (زانستی تاقیگەی پزیشکی، کیمیای دەرمانسازی و فیزیای پزیشکی )لە ماوەی دوو ڕۆژدا سەردانی بەڕێوەبەرێتی تۆمار، هۆبەی بڕوانامەکان بکەن بە مەبەستی وەرگرتنی زانیاریی."
ئاماژە بەوەش کراوە، تەنیا دەرچووانی 2023- 2024 سەردانی بکەن و پێداویستییەکانی وەکو کارتی نیستیمانی و کارتی زانیاری و فۆڕمی خۆراكیان پێ‌ بێت.
بەپێی نووسراوەكە، کە لە وەزارەتی خوێندنی باڵای حكوومەتی هەرێمی کوردستان گشتاندنی پێكراوە، وەزارەتی تەندروستی عێراق بڕیاری دامەزراندنی دەرچووانی ساڵی 2023- 2024ی سەرجەم كۆلێژ و بەشە پزیشكی و تەندروستییەكان داوە، كە لە زانكۆكانی هەرێم دەرچوون و خەڵكی ناوچەكانی دەرەوەی ئیدارەی حكوومەتی هەرێمی کوردستانن