پلەکانی گەرما نزمدەبنەوە لەگەڵ ھاتنی شەپۆلێکی خۆڵبارین

لە ئەنجامی کاریگەری دابەزینی بارستە ھەوایەکی سارد لە باکوری رۆژھەڵاتی ئەوروپاوە بۆ سەر باکوری وڵاتی تورکیا و کاریگەری لاوازی لەسەر کەشی ناوچەکانمان ئەبێت بە نزمبوونەوەی پلەکانی گەرما بەرێژەی ٢ تا ٣ پلە لە سەرجەم ناوچەکاندا وە لە کاتەکانی دوای نیوەرۆ بۆ ئێوارە خێرایی با لە ئەنجامی ئەم بارستە ھەوایەوە لەناوچە سنوریەکانی نێوان رۆژئاوای عێراق و رۆژھەڵاتی سوریاوە بە ئاراستەی ناوچەکانی ھەرێمی کوردستان چالاک ئەبێت بەخێرای ٢٠ تا ٤٠ کم زیاتر لە کاتژمێرێکدا و شەپۆلێکی مامناوەندی خۆڵبارین لەکاتەکانی ئێوارە و شەودا زۆربەی ناوچەکان دەگرێتەوە جگە لەناوچەکانی سنوری پارێزگای دھۆک و کاریگەری لە پێش نیوەرۆی رۆژی سێشەمە 6-9-2022 کەم دەبێتەوە ، پلەکانی گەرما بەم شێوەیە بۆ سبەی نزمدەبێتەوە لەسەنتەری پارێزگاکانی ھەرێم ( سلێمانی ٤٠ بە ٢٦ ، ھەولێر ٤٢ بە ٢٧ پلە ، دھۆک ٤١ بە ٢٧ پلە ، ھەڵەبجە ٤١ بە ٢٦ پلە ، کەرکوک ٤٣ بە ٣٠ پلە ) لەناوچەکانی گەرمیان ٤٦ پلە بە ٢٨ پلە ئەبێت ، لە سنوری ئیدارەی راپەرین ٤١ بە ٢٦ پلە ئەبێت ، لە سنوری ئیدارەی سۆران ٤٠ بە ٢٥ پلە ئەبێت  .
دوو سبەی کاریگەری ئەم بارستە ھەوایە چالاکتر ئەبێت و نزمبوونەوەی زیاتر بەسەر پلەکانی گەرمادا دێت .. سبەی زانیاری زیاترمان ئەبێت ...