خزمەتگوزاری چاکردن و قیڕتاوکردنی شەقامەکانی گەڕەکی سیمی خاتووناوە دەستیپێکرد

سەرۆکایەتی شارەوانی هەولێر، لە سنوری شارەوانی چوار، خزمەتگوزاری چاکردن و قیڕتاوکردنی گەیاندە گەڕەکی سیمی خاتوناوە.
نیوەڕۆی ئەمڕۆ شەممە ٢٠٢٢/٩/٣ بە ئامادەبوونی ئومێد خۆشناو، پارێزگاری هەولێر، مەسعود کاڕەش، جێگری پارێزگار، کارزان عبدالهادی، جێگری سەرۆکی شارەوانی هەولێر، پڕۆژەی چاککردن و قیڕتاوکردنی شەقام و کۆڵانەکانی گەڕەکی سیمی خاتوناوە دەستیپێکرد.
پڕۆژەکە لەسەر داهاتی پەرەپێدانی پارێزگای هەولێر بە بڕی ٧٩٥ملیۆن دینار جێبەجێ دەکرێت کە کۆڵان و شەقامەکانی گەڕەکەکە قیڕتاو دەکرێن.
لەماوەی ڕابردوو بەڵێن بە دانیشتوانی گەڕەکەکە درابوو کە دەست دەکرێت بە قیڕتاوکردنی شەقام و کۆڵانەکانی گەڕەکی سیمی خاتوناوە، بەدەر لەم گەڕەکە پارێزگاری هەولێر و سەرۆکایەتی شارەوانی هەولێر، کار لەسەر سەرجەم ئەو گەڕەک و شەقامانە دەکەن کە پێویستیان بە گەیاندنی خزمەتگوزارییە بەتایبەت گەڕەکە هەژار نشینەکان.
ڕاگەیاندنی سەرۆکایەتی شارەوانی هەولێر