بەهۆی زۆری رێژەی بەفر لە ناحیەی حاجی ئۆمەران، دەست بە راماڵینی بەفر و پرژاندنی خوێ کرا بەسەر رێگاکاندا. بەڕێوەبەری ناحیەی وەرتێش وتی، "چاوەروانی ئامێری پاککردنەوە و راماڵینی بەفردەکەین بۆ پاککردنەوەی رێگاکە".
ئەمڕۆ یەکشەممە ١٢ـی کانونـی دووەمـی ٢٠٢٥، بەڕێوەبەرایەتی چاککردنەوە و پاراستنی رێگاوبانی سۆران رایگەیاند، دەست بە راماڵینی بەفر و پڕژاندنی خوێ لە سەر رێگای سەرەکی قەزای چۆمان لە ناحیەی حاجی ئۆمەران کرا.
هاوکات، شۆڕش حەسەن، بەڕێوەبەری ناحیەی وەرتێ راگەیاند، چاوەروانی ئامێری پاککردنەوە و راماڵینی بەفردەکەین کە سەربە بەرێوەبەرایەتی چاککردنەوە و پاراستنی رێگاوبانی سۆرانە.
وتیشی، هەربۆیە تاکو رێگاکە پاک دەکرێتەوە داوا دەکەین شۆفێران بۆ سەلامەتی خۆیان و سەرنشینان ئەم رێگایە بەکارنەهێنن و لە کەمترین ماوەشدا رێگاکە بۆ هاتوچۆکردن ئاسایی دەبێتەوە.
وەڵام بدەوه