جێگری سەرۆكی پەرلەمانی كوردستان بە پێویستی دەزانێت، بۆ ئەوەی هەرێمی كوردستان هاوشێوەی عێراق تووشی پشێوی نەبێت و نەكەوێتە بۆشایی یاساییەوە، وادەی پەرلەمانی كوردستان درێژ بكرێتەوە.
ئەمڕۆ هێمن هەورامی، جێگری سەرۆكی پەرلەمانی كوردستان پرێس كۆنفرانسێكی ئەنجام دا و تێیدا لەبارەی هەڵبژاردنی پەرلەمانی كوردستانەوە رایگەیاند، بۆ ئەوەی وەكوو عێراق نەكەوینە نێو بۆشایی یاسایی و دەستووری، دەبێ وادەی پەرلەمانی كوردستان درێژ بكرێتەوە.
ڕوونیشی كردەوە كە ئەو درێژكردنەوەیە بۆ هەمواری یاسای هەڵبژاردن و رێككەوتنە لەسەر كاراكردنەوەی كۆمسیۆن.
هاوكات ئاماژەی بەوە كرد كە داوایان لە فراكسیۆنەكان كردووە بۆچوونی خۆیان لەمبارەیەوە ئامادە بكەن و لایەنە سیاسییەكانیش ڕێك بكەون. گوتیشی: چاوەڕێ دەكرێ لە مانگی ئەیلوولی داهاتوودا رێككەوتن لەبارەی هەڵبژاردن بكرێت.
هێمن هەورامی ئاشكرای كرد كە رۆژی پێنجشەممە ١ی ئەیلوولی ٢٠٢٢، پەرلەمانی كوردستان كۆدەبێتەوە و تێیدا خوێندنەوەی یەكەم و دووەم بۆ ژمارەیەك پرۆژەیاسا دەكات كە گرنگترینیان پرۆژەیاسای ئەنجوومەنی شوورا و وەزارەتی پەروەردەن.
کوردستان پڕێس 
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه