لەبارەی پشووی فەرمی زانیاری نوێ گەیشت

تەندروستی هەولێر ئاگاداری پزیشك و كارمەندانی دەكاتەوە كە پشووی سەری ساڵ كەم كراوەتەوە، بەپێی بڕیارەكە ڕۆژی چواری كانوونی دووەم دەوامیان دەست پێ‌ دەكاتەوە.

ئەمڕۆ سێشەم 24ـی كانوونی یەكەم، لە ئاگادارییەكی بەڕێوەبەرایەتیی تەندروستیی هەولێردا هاتووە، پاڵپشت بە بڕیاری حكوومەتی هەرێمی كوردستان لە ڕۆژی چوارشەم 25ی 12ی 2024، تا ڕۆژی پێنجشەم 2ی 1ی 2025، لە سەرجەم داودەزگاكانی هەرێمی كوردستان پشووی فەرمی دەبێت.

باس لەوەش كراوە، ڕۆژی شەموو چواری كانوونی دووەمی 2025 لە سەرجەم داودەزگاكانی تەندروستییەكان دەوامی فەرمی دەست پێ دەكاتەوە.

ئاماژە بەوەش كراوە، لە ڕۆژانی پشووی فەرمی خزمەتگوزاریی پزیشكی تەندروستی بەردەوام دەبن بەشێوەی ئێشكگری (24) سەعاتی بۆ پێشوازیكردنی لە حاڵەتی ڕووداو و چارەسەری و خوێنبەخشین.