بڕیاربو ئاگربەستی نێوان هێزەکانی سوریای دیموکرات (هه‌سه‌ده) و دەوڵەتی تورکیا و گروپه چه‌كداره‌كانی سه‌ر به توركیا بە نێوەندگیری هاوپەیمانی نێودەوڵەتی دژی به داعش ئەنجام بدرێت، به‌ڵام شكستیهێناوه و ئەگەر هەیە هێرشێکی بەرفراوان بۆ سەر شاری کۆبانێ ده‌ستپێبكرێت.
به‌گوێره‌ی چه‌ند سه‌رچاوه‌یه‌ك بۆ ئاژانسی هاوار نیوز، بڕیاربوه ئاگربەستی نێوان هێزەکانی سوریای دیموکرات (هه‌سه‌ده) و دەوڵەتی تورکیا و چه‌كدارانی سه‌ر به توركیا بە نێوەندگیری هاوپەیمانی نێودەوڵەتی دژی داعش ئەنجام بدرێت، بەڵام بەهۆی هەوڵەکانی دەوڵەتی توركیاوه، جێبەجێ نەکرا، ئەگەری هەیە هێرشێکی بەرفراوان بۆ سەر شاری کۆبانێ بکرێت.
بەگوێرەی سەرچاوە ئاگادارەکان، گفتوگۆ بۆ گواستنەوەی مەزارگەی سوڵتان سلێمان شا لە گوندی ئەشمی ڕۆژئاوای کۆبانێیەوە کراوە، بەڵام دەوڵەتی توركیا داوای کردوە یەک کیلۆمەتر زەوی لەو ناوچەیە بدرێت به گروپه‌كانی سه‌ر به‌و وڵاته، كه مەبەستیەتی چەکی قورس جێگیر بکات و بنکەیەک دروست بکات، ئەوەش ڕێگری لە گەیشتن بە ڕێککەوتن دەکات، به‌وهۆیه‌وه ئاگربه‌ست نه‌چوه‌ته بواری جێبه‌جێكردنه‌وه.
مەزڵوم كۆبانێ، فەرماندەی گشتیی هێزەکانی سوریای دیموکرات (هه‌سه‌ده) له چاوپێكه‌وتنێكدا باسی له‌وه‌كردوه، "لە ڕێگەی نێوەندگیری هاوپەیمانی نێودەوڵەتییەوە ئاگربەست لەنێوان هێزەکانی سوریای دیموکرات و دەوڵەتی تورکیا و بەکرێگیراوەکانیدا دەکرێت"، هەروەها جەختی لەوەشکردەوە کە ئامادەن هەرچی پێویست بێت بۆ گواستنەوەی گۆڕی سلێمان شا بیکەن.
Focus News
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه