بارستە هەوایەکی سارد ناوچەکە دەگرێتەوە و تاوەباران دەستپێدەکات

کۆتاییهاتنی گەرمای هاوین و دەستپێکردنی کەشی فێنکی پایز لە هەرێمی کوردستان

شارەزایەکی بواری کەشناسی، ئاراس جەبار، ڕایگەیاند کە پێشبینی دەکرێت لە ناوەڕاستی هەفتەی داهاتووەوە گەرمای هاوین کۆتایی پێبێت و کەشی فێنکی پایزە دەستپێبکات.

لێرەدا پوختەی پێشبینییەکانی کەشوهەوا دەخەینە ڕوو:

بارودۆخی کەشوهەوای چەند ڕۆژی داهاتوو: لە ماوەی سێ ڕۆژی داهاتوودا کەشی هەرێم و ناوچەکە بە جێگیری دەمێنێتەوە و پلەکانی گەرماش بە بەرزی دەمێننەوە.

نزمبوونەوەی پلەکانی گەرما: لە ڕۆژی سێشەممەی داهاتوو (29ی ئەیلول)، بارستە هەوایەکی سارد لە دەریای ناوەڕاستەوە کاریگەری بۆ سەر هەرێم و تەواوی وڵاتانی ناوچەکە درێژ دەبێتەوە. بەهۆیەوە پلەکانی گەرما بە ڕێژەی 5 تا 7 پلە نزم دەبنەوە و کەشی فێنکی پایزە دەستپێدەکات.

بارانبارین و ناسەقامگیری: لە ڕۆژی پێنجشەممەی داهاتوو (1ی تشرینی یەکەمی 2026)، لەگەڵ بەردەوامی کاریگەری ئەم سیستەمە، حاڵەتێکی ناسەقامگیری کەشوهەوا دەستپێدەکات.

شێوازی بارانبارین: سەرەتا کاریگەرییەکانی بە نمەباران لە کات و شوێنی جیاجیادا دەردەکەون، و لە هەندێک شوێنیشدا تاوەبارانی مامناوەند و هەورەبروسکەی لەگەڵدا دروست دەبێت.

ماوەی کاریگەریی سیستەمەکە: ئەم حاڵەتە بە چەند قۆناغێکی لاواز بۆ مامناوەند تاوەکو 10 ڕۆژی سەرەتای مانگی 10ی داهاتوو بەردەوامی دەبێت.

#kurdistanpress