ئەردۆغان هۆشداری دایە ئەسەد

سەرکۆماری تورکیا داوا لە بەشار ئەسەد، سەرۆکی سووریا دەکات بەپەلە چارەسەرێک بۆ بارودۆخی ناوخۆی وڵاتەکەی بدۆزێتەوە.
ئەمڕۆ پێنجشەممە 5/12/2024، سەرۆکایەتی کۆماری تورکیا بڵاوی کردەوە کە رەجەب تەیب ئەردۆغان، سەرکۆماری تورکیا، لە ڕێگەی پەیوەندییەکی تەلەفۆنییەوە بە ئەنتۆنیۆ گۆتێرێزی سکرتێری گشتی نەتەوە یەکگرتووەکانی ڕاگەیاندووە، قۆناغێکی نوێ لە سووریا هاتووەتە پێشەوە.
ئەردۆغان ئەوەشی بە سکرتێری گشتی نەتەوە یەکگرتووەکان گوتووە: "پێویستە حکوومەتی سووریا لەگەڵ گەلەکەی بگەنە ڕێککەوتن بۆ دۆزینەوەی ڕێگە چارەی سیاسی گشتگیر."
ئەمە لە کاتێکدایە ئێوارەی ئەمڕۆ سوپای رژێمی سووریا لە شاری حەما کشایەوە و گرووپە چەکدارەکانی سووریا کە بە (ئۆپۆزسیۆنى سووریا) خۆیان ده‌ناسێنن چوونە نێو شارەکەوە و کۆنتڕۆڵیان کرد