سبەی پارەی ئەو کەسانە دابەشدەکرێت

شێروان ئەسڵان، بەڕێوەبەری ژمێریاریی سایلۆی شێخان  رایگەیاند: "رۆژی یەكشەممە 1ی12ی2024، ئێمە كۆتاییمان هێنا بە دابەشكردنی بەشی هەشتەمی پارەی گەنمی ئەمساڵی جووتیان، كە 43 ملیار دیناری بۆ دهۆک بوو، چاوەڕوانی گەیشتنی بەشی نۆیەمی پارە دەكەین."
ئاماژەی بەوەش دا: "ئێستا پارەی گەنمی جووتیارانی پارێزگای دهۆك، كە لای بەغدا ماوە، زیاتر لە 23 ملیار دینارە و چاوەڕوانین بۆمان رەوانە بكەن."
لای خۆیەوە، سایلۆی سلێمانی بڵاوی كردەوە: "ئاگاداری ئەو جووتیارانە دەکەین، کە گەنمیان ڕادەست بە سایلۆی سلێمانی کردووە، لە پسوولەی ژمارە هەزار و 801 تاوەكوو پسوولەی هەزار و 950، سبەی چوارشەمە 4/12/2024، سەردانی هۆبەی ژمێریاریی بەڕێوەبەرایەتییەکەمان بکەن، بە مەبەستی وەرگرتنی چەکی شایستە داراییەکانیان."
لای خۆیەوە، سایلۆی هەولێر بڵاوی كردەوە: "سبەی چوارشەممە 2024/12/4، دابەشکردنی چەکی جووتیاران لە زنجیرە سێ هەزار و 881 دەست پێدەکات، تاوەکوو چوار هەزار و 130، کە گەنمەکانیان رادەستی سایلۆی هەولێر کردووە، ئەو جووتیارانە لە سایلۆی هەولێر چەک وەردەگرن."
لە سایلۆی قوشتەپە سبەی لە زنجیرە هەزار و 295 دەست پێدەكات، تاوەكوو هەزار و 388 چەك لە سایلۆی قوشتەپە دەدرێت.
بەپێی راگەیاندراوەكە، سبەی چوارشەممە لە كۆیە چەكی جووتیاران لە ژمارە 400 تاوەكوو ژمارە 456 دابەش دەكرێت