پارەی ئەو هاوڵاتیانە گەیشت سبەی دابەشدەکرێت

سایلۆی هەولێر بڵاوی كردەوە: "جووتیاران ئاگادار دەکەینەوە، سبەی یەكشەمە 2024/12/1 دابەشکردنی چەکی جووتیاران لە زنجیرە سێ هەزار 222 دەست پێدەکات، تاوەکو سێ هەزار و450، کە گەنمەکانیان رادەستی سایلۆی هەولێر کردووە."
ئاماژە بەوەش كراوە، كە ئەو جووتیارانە لە سایلۆی هەولێر چەک وەردەگرن.
ئەوەش خراوەتە ڕوو، سبەی سایلۆی قوشتەپە چەکی جووتیاران لە زنجیرە لە زنجیره هەزار و 91، تاوەکوو هەزار و 151 کە گەنمەکانیان رادەستی سایلۆی قوشتەپە کردووە، لە سایلۆی قوشتەپە چەک وەردەگرن.
لە سەرێكی دیكەوە لەهەمان راگەیاندراودا سایلۆی هەولێر ئاشكراشی كردووە، هەر سبەی یەكشەممە، جووتیارانی شاری کۆیە چەکی پارەی گەنمەكانیان وەردەگرن كە لە زنجیرە 219 دەست پێدەكات، تاوەکوو زنجیرە 269 ئەوانەی گەنمەکانیان رادەستی گۆڕەپانی کۆیە کردووە و لە سایلۆی قووشتەپە چەک وەردەگرن.
ئاشکراشی کردووە، وەرگرتنی چەك شوێنەكان جیاوازە بەڵام جووتیاران پارەکانیان لە بانکی بەحرکە وەردەگیرێت.
جەخت كراوەتەوە كە ئەو کەسەی چەکی بە ناوە، دەبێت خۆی ئامادە بێت، یاخود بریکارنامەی پەسەندکراوی هی ئەم ساڵ بێت، ئەگەر خاوەن چەک وەفاتی کردبێت، دەبێت دابەشنامەی (شەرعی یان یاسایی) بهێنرێت، لەگەڵ بریکارنامەی گشت وارسەکان.
سایلۆكە باسی لەوەش كردووە، لە كاتژمێر نۆی بەیانی بۆ كاتژمێر یەكی نیوەڕۆ چەك دابەش دەكرێت.
نەوزاد شێخ كامیل، بەڕێوەبەری گشتیی بازرگانیی هەرێمی کوردستان ڕایگەیاندبوو: " ماوەی هەفتەیەكە دەست بە دابەشكردنی بەشی هەشتەمی پارەی گەنمی جووتیارانی ئەمساڵ كراوە و بەردەوام دەبێت."
ئاماژەی بەوەش دا: "لەو 158 ملیار دینارەی بەشی هەشتەم، 60 ملیاری دیناری بۆ سلێمانییە و 55 ملیار و 454 ملیۆنیش بۆ هەولێرە و 43 ملیار دیناریش بۆ دهۆکە