کەشناسی ناوی ساردترین ناوچەی هەرێمی کوردستانی ڕاگەیاند

بەڕێوەبەرایەتی كەشناسی و بوومەلەرزەزانی رەوشی كەشوهەوای ئەمڕۆ هەینی و سبەی شەممەی ناوچەكانی هەرێمی كوردستانی بڵاو كردەوە، تێیدا ئەوەی دەرخست كە لە هەردوو رۆژەكەدا باران نابارێت.
سەبارەت بە كەشوهەوای ئەمڕۆ هەینی، كەشناسی رایگەیاند: ئاسمان بەگشتی ساماڵ دەبێت لەگەڵ هەندێك پەڵە هەور، پلەکانی گەرماش كەمێك بەرزتر دەبێت لە تۆمارکراوەکانى دوێنێ پێنجشەممە.
بۆ كەشوهەوای سبەی شەممە، كەشناسی هەروەها رایگەیاند: ئاسمان لەنێوان ساماڵ و پەڵە هەور دەبێت، لەگەڵ دروستبوونی كەمێك تەم لە هەندێك ناوچە لە كاتەكانی بەیانیدا، بەڵام پلەکانی گەرما بە نزیكەی 1 تـــا 3 پلە بەرزتر دەبێت بەراورد بە تۆمارکراوەکانى ئەمڕۆ هەینی .
ئاماژەی بەوەش دا كە لە هەردوو رۆژەكەدا خێرایى با لەسەرخۆ – مامناوەند دەبێت و ئاراستەكەش باكوری خۆرئاوا دەبێت.
كەشناسی هەروەها پلەكانی گەرمای پێشبینیكراوی شارەكانی بەمشێوەی خوارەوە بڵاوكردەوە:
هەولێر: 14 پلەى سیلیزى
سلێمانی: 13 پلەى سیلیزى
دهۆک: 13 پلەى سیلیزى
کەرکووک: 16 پلەى سیلیزى
هەڵەبجە: 13 پلەى سیلیزى
زاخۆ: 14 پلەى سیلیزى
حاجی ئۆمەران: 6 پلەى سیلیزى
سۆران: 14 پلەى سیلیزى
گەرمیان: 18 پلەى سیلیزى