شارەزایەکی بواری کەشناسی ئاشکرای کرد شەپۆلی سەرما و بەفر و باران هەرێمی کوردستان دەگرێتەوە.
ئەمشەو پێنجشەممە 14/11/2024، ئاراس جەبار، شارەزای بواری کەشناسی بڵاوی کردەوە: "سەرەتا ھەفتەی داھاتوو لە نێوان 18 بۆ 20ی مانگ ئەگەری ھاتنی بارانێکی کەم و پچڕپچڕ ھەیە کە زۆربەی شوێنەکان ناگرێتەوە و زیاتر کاریگەری لەسەر ناوچە شاخاوییەکان دەبێت بەتایبەت لە سنووری پارێزگای هەولێر و دهۆک."
ئاماژەشی بەوە داوە: "ئەگەر ھەیە لە 26ی کۆتایی ئەم مانگەوە نزمە پاڵەپەستۆیەکی جەمسەری باکوور ناوچەکانمان بگرێتەوە کە شەپۆلی سەرما و بەفر و بارانی مامناوەند و باشی لەگەل دەبێت."
ئەو شارەزایەی بواری کەشناسی روونیشی کردووەتەوە کە لە کاتی نزیکبوونەوەی شەپۆلەکە زانیاری زیاتر لەمبارەیەوە دەخاتە روو.
وەڵام بدەوه