ئاراس جەبار، شارەزای كەشناسی، لەبارەی كەشوهەوای سبەی دووشەمە 11/11/2024، ڕایگەیاندووە: "کاریگەری ناجێگیریی کەش لەسەر ناوچەکانمان زیاتر ئەبێت کە لە ئەنجامی بارستە ھەوایەکی ساردی ناوچەکانی باکور و کاریگەری نزمەپاڵەپەستۆی دەریای سوورە لەسەر ناوچەکانی ھەرێمی کوردستان لە کاتەکانی نێوان بەیانی بۆ نیوەرۆ ئاسمانی ھەرێم ھەوری تەواو ئەبێت لەگەڵ بارینی بارانی رێژە کەم بۆ مامناوەندی پچر پچر لە زۆربەی شوێنەکان و لەناوچەکانی پارێزگای سلێمانی و باشور و باشوری رۆژھەڵاتی پارێزگای کەرکوک ئەگەری تاوە بارانی بەخوڕ و ھەورە بروسکەی بەھێز ئەبێت."
باسی لەوەش كردووە: "لە کاتەکانی دوای نیوەرۆدا ئاسمانی ھەرێم بە زۆری دەگۆرێت بۆ نیمچە ھەور و کاریگەری حاڵەتەکە لاواز ئەبێت و تەنھا لەھەندێ شوێندا بەدیاری نەکراوی بڕێک باران و ھەورە بروسکە چالاک ئەبێتەوە و کاتەکانی سبەی ئێوارە کۆتای پێدێت."
دەشڵێت: "پلەکانی گەرما بەرێژەی 3 تا 5 پلە بەڕاورد بە ئەمڕۆ نزمدەبێتەوە لە لوتکەی چیا بەرزەکانی ناوچە سنوریەکان لەبەرزی زیاتر لە 2500 مەتر لە ئاستی ڕووی دەریا بەفر ئەبارێت."
وەڵام بدەوه