جووڵانەوەی نەوەی نوێ بۆ بڕیاردان لەبارەی بەشداریکردن لە کابینەی دەیەمی حکومەتی هەرێمی کوردستان کۆدەبێتەوە. سەرچاوەیەک لە جووڵانەوەکە ڕاگەیاند: "نەوەی نوێ ئامادەیە بۆ بەشداریکردن لە حکومەتدا".
لە هەڵبژاردنی خولی شەشەمی پەرلەمانی کوردستان نەوەی نوێ 15 کورسی بەدەستهێنا و لەدوای پارتی و یەکێتی ئێستا هێزی سێیەمە: سەرچاوەیەک لە نەوەی نوێ ڕاگەیاند، بڕیارە ئەمڕۆ جووڵانەوەکە بەسەرپەرشتیی شاسوار عەبدولواحید و بە ئامادەبوونی کاندیدە دەرچووەکانی کۆببێتەوە.
بڕیارە لە کۆبوونەوەکدا نەوەی نوێ بەشداریکردن لە حکومەتی داهاتووی هەرێمی کوردستان تاوتوێ بکات.
سەرچاوەیەکی دیکە لە نەوەی نوێ پشتڕاستی کردەوە، ویستیان هەیە و ڕژدن بۆ ئەم کابینەیە بەشداری لە حکومەتدا بکەن، بۆ کۆبوونەوە چاوەڕێی لایەنەکانی پێکهێنەری حکومەت دەکەن، کۆمەڵێک مەرجیان هەیە و گفتوگۆی لەسەر دەکەن.
وەڵام بدەوه