بەگوتەی بەڕێوەبەری گشتیی كارەبای هەولێر، دوو هەفتەی تر جێبەجێكردنی پڕۆژەی ڕووناكی لە هەردوو گەڕەكی وەزیران و بەختیاریی هەولێر تەواو دەبێ و كارەبایان دەبێتە 24ی سەعاتی.
پڕۆژەی رووناكیی حكوومەتی هەرێمی كوردستان، بووەتە باسی رۆژ و تا ئێستە چەندان گەڕەكی شاری هەولێری رووناك كردووەتەوە.
لە دوای هەردوو گەڕەكی شادی و نازناز، ئێستە پڕۆژەی ڕووناكی لە دوو گەڕەكی تری هەولێر جێبەجێ دەكرێت و كارەبای هاوبەشانی هەردوو گەڕەك دەكرێت بە 24 سەعاتی.
بەختیار قاسم بەڕێوەبەری گشتیی كارەبای هەولێر ڕای گەیاند، پڕۆژەی ڕووناكی سەرەتا لە گەڕەكی شادی و دواتر لە گەڕەكی نازنازی شاری هەولێر جێبەجێ كرا، ئێستە دانیشتووانی ئەو دوو گەڕەكە 24 سەعات كارەبایان پێ دەدرێت.
ئەم پڕۆژەیە لە سەرەتادا وەك ئەستەم دەهاتە بەرچاو، بەڵام بەپێداگریی حكوومەتی هەرێم و لە كابینەی نۆدا بووە یەك لە پڕۆژە گرنگەكان و ئێستە هەنگاوی خێرا دەنێت.
بەپێی گوتەی بەڕێوەبەری گشتیی كارەبای هەولێر، دوو هەفتەیە جێبەجێكردنی پڕۆژەی ڕووناكی لە هەردوو گەڕەكی وەزیران و بەختیاریی هەولێر دەستی پێ كردووە، پێشبینی دەكرێت تا دوو هەفتەی تر تەواو ببن و هاوبەشانی هەردوو گەڕەك كارەبایان ببێت بە 24 سەعاتی.
هاوكات لە كردنەوەی پرۆژەكەدا سەرۆكی حكوومەتی هەرێمی كوردستان رای گەیاند، "تا كۆتایی ساڵی 2026 كارەبای 24 سەعاتی بۆ سەرتاسەری كوردستان دابین دەكرێت."
وەڵام بدەوه