له مه‌سروور بارزانییه‌وه بۆ ئه‌وانه‌ی دێنه حكوومه‌تی داهاتوو: له كاروانی پێشكه‌وتن له‌گه‌ڵمان بن
مه‌سروور بارزانی سه‌رۆك وه‌زیرانی كوردستان له ئاهه‌نگی ده‌رچووانی خولێكی تری قوتابیانی زانكۆی كوردستان رای گه‌یاند، زانكۆكه یه‌كێكه له شوێنێكی گرنگی كوردستان كه شوێنه‌كه كارساز و سه‌ركرده‌ی داهاتوو بنیاد ده‌نێت.
مه‌سروور بارزانی گوتی، پێشخشتنی كه‌رتی په‌روه‌رده‌ی شتێكه حكوومه‌تی هه‌رێمی كوردستان پێوه‌ی پابه‌نده، له‌كاتێكدا ئێسته كار ده‌كه‌ین بۆ پێكهێنانی حكوومه‌تێكی نوێ، پێشوازی له هه‌ر كه‌سێكیش ده‌كه‌م له‌و گه‌شته پێشكه‌وتنه‌دا له‌گه‌ڵمان ده‌بن.
سه‌رۆك وه‌زیرانی كوردستان ئاماژه‌ی بۆ ئه‌وه كرد، سه‌ركه‌وتنی هه‌ڵبژاردن سه‌رلماندمان كوردستان روو له گه‌شه‌یه و به نه‌یاره‌كانمان ده‌ڵێم وه‌رن له‌گه‌ڵمان پێكه‌وه پێشكه‌وتنی زیاتر به‌دی بێنین، بۆ نمونه له كه‌رتی په‌روه‌رده.
سه‌رۆك وه‌زیرانی كوردستان دووپاتی كرده‌وه كه حكوومه‌تی نوێ ده‌بێت كێشه‌كان چاره‌سه‌ر بكات و یه‌كگرتوو تر بین له‌سه‌ر چاره‌سه‌ری كێشه‌كان و هیوا و ده‌رفه‌ت بده‌ین به خه‌ڵكی كوردستان و وه‌ك سه‌ركرده‌ی ئه‌م خاكه ده‌بێت پارێزگاری له‌و هه‌رێمه بكه‌ین.
مه‌سروور بارزانی رووی كرده ده‌رچووان و پێی گوتن، ئێوه ده‌رفه‌تی گه‌وره‌ی كاركردنتان له‌گه‌ڵمان هه‌یه به‌تایبه‌ت له سیستمی بانكی و هه‌ژماری من، كه ئێسته كاری رژدی تێدا ده‌كرێت و چه‌ندان كاریش له‌و چوارچێوه‌یه‌دا كراوه.
سه‌رۆك وه‌زیرانی كوردستان باسی له پڕۆژه‌ی رووناكی كرد بۆ گه‌ڕه‌كه هه‌ژارنشینه‌كان و دووپاتی كرده‌وه كه چه‌ندان خێزان لێی نیشته‌جێبوون. هه‌روه‌ها گوتی، ده‌مانه‌وێ كوردستان بۆ وڵاتانی تر بكه‌ین به سه‌به‌ته‌ی خۆراك و پێشكه‌وتنی ئێمه قورس نییه و ره‌خنه‌گران له ئه‌زموون هه‌ڵه‌بوون.
Focus News
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه