لەگەڵ وادەی دەست پێكردنی بانگەشەی هەڵبژاردن بۆ خولی شەشەمی پەرلەمانی كوردستان، بەڕێوەبەرایەتیی هاتوچۆی هەولێر ڕاگەیەندراوێكی بڵاو كردەوە و ڕایدەگەیەنێت، داوا لەسەرجەم لیست و ڕەوت و لایەن و بەربژێرەکانی بەشدار لەهەڵبژاردن دەکەین، کە لەماوەی ڕێگەپێدراو بۆ بانگەشەکردن وێنە و پۆستەرەكان بەستوونەکانی ترافیک لایت و هێماکانی هاتوچۆ هەڵنەواسن.
ئەمشەو 24ی 9ی 2024، بەڕێوەبەرایەتیی هاتوچۆی هەولێر پەیامێكی بۆ لیست و كاندیدەكانی خولی شەشەمی پەرلەمانی كوردستان بڵاو كردەوە و ڕایگەیاند: "بەهۆی دەست پێکردنی وادەی بانگەشەی هەڵبژاردنی پەڕلەمانی کوردستان، داوا لە سەرجەم لیست و ڕەوت و لایەن و بەربژێرەکانی بەشدار لەهەڵبژاردن دەکەین، کە لەماوەی ڕێگەپێدراو بۆ بانگەشەکردن، وێنە و پۆستەری بەربژێرەکان و بڵاوکراوەکانیان بەستوونەکانی ترافیک لایت و هێماکانی هاتوچۆ هەڵنەواسن و وێنەی گەورە لەنزیک سووڕانەوەکان و سەر شۆستەی چوار ڕیانەکان دانەنێن کەببێتە هۆکاری بەربەستی بینین لەبەردەم شوفێران."
ئاماژەی بەوەش كردووە، كە "جامی ئۆتۆمبێل و ژمارەی تابلۆ دانەپۆشن بە ئاڵا و لۆگۆ و وێنەی بەربژێرەکان و داوا لە بانگەشە کاران دەکەین لەدواوەی ئۆتۆمبێلی بارهەڵگر سەرنەکەون و جەستەیان لەجام و سلایدی ئۆتۆمبێلەکان نەهێننەدەرەوە، ڕێگە و شەقامە گشتییەکان نەگرن لەپێناو دروست نەبوونی جەنجاڵی هاتوچۆ و پاراستن و سەلامەتی گیانیان و ڕوونەدانی ڕووداوی هاتوچۆی نەخوازراو."
هاتوچۆی هەولێر دەخوازێت، كە وادەی بانگەشەكردن لە كەشێكی هێمن و ئارامی دیموكراسیدا تەواو ببێت و دوو لە سەرپێچی یاسا و ڕێنوێنییەكانی هاتوچۆ.
وەڵام بدەوه