بهڕێوهبهرایهتیی نههێشتنی ماده هۆشبهرهكان، گرتنی بازرگانێكی مهترسیدار رادهگهیهنێت كه له دهرهوهی وڵات بووه و دوو بازرگانی تری مادهی هۆشبهریش لهناوخۆدا گیران.
بهڕێوهبهرایهتیی نههێشتنی ماده هۆشبهرهكان بڵاوی كردهوه، له بهردهوامی ههوڵهكان له بهرهنگاربوونهوهی ماده هۆشبهرهكان، له پرۆسهیهكی ههواڵگری ورد و بهدواداچوونی بهردهوام كه چهند مانگێكی خایاند، دوای وهرگرتنی ڕهزامهندی دادوهری لێكۆڵینهوهی ئاسایش دوو بازرگانی مادهی هۆشبهر به 10 كیلۆگرام مادهی هۆشبهری جۆری كریستاڵهوه له شاری ههولێر و سلێمانی گیران.
ئاماژه بۆ ئهوهیش كراوه كه دواتر شوێنی بازرگانه سهرهكییهكه كه له لوبنان نیشتهجێ بوو دهستنیشان كرا و دوای هاوئاههنگی لهگهڵ بهڕێوهبهرایهتیی نههێشتنی ماده هۆشبهرهكانی حكوومهتی عێراقی فیدراڵ و ناردنی فهرمانی گرتنی تاوانبارهكه بۆیان، هێزه تهناهییهكانی وهزارهتی ناوخۆی لوبنان توانیان ئهو بازرگانه مهترسیداره كه چهندان پێشینهی تاوان و فهرمانی گرتنی ههبوو بیگرن.
ئاسایش ئاماژهی بۆ ئهوه كردووه، ئهم بازرگانه به ڕهگهز كورده و سهرچاوهی دابینكردنی بهشی زۆری ئهم ماده هۆشبهرانه بوو كه له ههرێمی كوردستان و بهشێك له پارێزگاكانی تری عێراق ساغ دهكرایهوه و بڵاو دهكرایهوه، ژمارهیهكی بهرچاو لهو بازرگانانهی كه له ههرێم گیراون و دراونهته دادگا لهم كهسهوه فێری ئهم بازرگانییه بوونە و لهم كاره قێزهوهنه تێوهگلاون.
وەڵام بدەوه