شارەزایەکی بواری کەشناسی لەبارەی کەشوهەوای سبەی هۆشداری بە هاووڵاتیان دەدات و داوا دەکات لە کاتەکانی دوای نیوەڕۆ بۆ دوای عەسر کەس لەماڵ نەچێتە دەرەوە.
ئەمشەو سێشەممە 23/7/2024، هەڤاڵ سەدیق گەڵۆزی، شارەزای بواری کەشناسی بڵاوی کردەوە: "تکایە سبەی لە کاتەکانی نیوەڕۆ بۆ دوای عەسر کەس لەماڵ نەچێتە دەرەوە، بەهۆی بەرزی تیشکی سەرووی وەنەوشەیی و بوونی شێ ڕێژەیی لەهەوادا زۆری بەهەڵم بوون هەست بەگەرمای بێزارکەر دەکرێت.
ئەوەشی خستووەتە روو: "سبەی بەهۆی کاریگەری بەردەوامی بارستە هەوای گەرمی ئەفریقی لەسەر ناوچەکەمان بەردەوام دەبێت، کەشوهەوای سەرجەم ناوچە جیاجیاکانی هەرێمی کوردستان گەرم دەبێت هاوشێوەی ئەمڕۆ سێشەممە پلەکانی گەرما بە بەرزی و جێگیری دەمێنێتەوە، ناوچەکانی گەرمیان بە پلەیەک گەرمترین ناوچەی هەرێمن و بە پلە دووش ناوچەکانی سنووری کەرکووک، هەولێر، هەڵەبجە و موسڵ، بە پلە سێش سلێمانی، دهۆک، ڕاپەڕین، سۆران و زاخۆ گەرم دەبێت."
هەروەها ئەو شارەزایەی بواری کەشناسی روونیشی کردووەتەوە کە سفێنکترین ناوچهی هەرێم کوردستان، حاجی ئۆمەران دەبێت.
وەڵام بدەوه