كەشناسی ئاشكرای دەكات، بارستەهەوایەك روو لە هەرێمی كوردستان دەكات، بەهۆیەوە پلەكانی گەرمی دادەبەزن و ئاشكراشی دەكات: "لەو سێ هەفتەیەی لە مانگی تەمووزدا ماون، هیچ شەپۆلێکی گەرمای بەهێز لەئارادا نییە."
پشتیوان ئیبراهیم، شارەزای كەشناسی، راگەیاند: "لە سبەی یەکشەممە 14/7/2024ەوە، بەهۆی کاریگەریی بارستە هەوایەک بۆ سەرناوچەکانمان، پلەكانی گەرما دوو بۆ چوار پلە دادەبەزن و ئەو شەپۆلە گەرمییەی هەیە نامێنێ."
ئاماژەی بەوەش دا، خێرایی با كەمێك زیاتر دەبێت، گوتیشی: "خێرایی با لەنێوان 20 کیلۆمەتر بۆ 35 کیلۆمەتر دەبێت و بەپێی کات و شوێن گۆڕانکاریی روودەدات."
لای خۆیەوە سیروان ساڵح، شارەزای کەشناسی، ڕاگەیاند: "بەپێی نوێترین زانیاری، لەو سێ هەفتەیەی لە مانگی تەمووزدا ماون، هیچ شەپۆلێکی گەرمای بەهێز لەئارادا نییە و پلە گەرمای وەرزی هاوین ئاسایی و جێگیر دەبێ."
سیروان ساڵح دڵنیایی دا و گوتیشی: "وەرزی هاوین بە وەرزی گەرما ناسراوە و هەزاران ساڵە هەروا بووە، پێویست بە هۆشداری و گەورەکردنی بابەتەكە ناکات."
وەڵام بدەوه