مەکتەبی سیاسیی پارتی دیموکراتی کوردستان، پەیامێکی پیرۆزبایی بە بۆنەی جەژنی سەری ساڵی نوێی ئایینی ئێزدی پەیامێکی ئاراستەی کوردی ئێزدی کرد.
لە پەیامەکەی مەکتەبی سیاسیی پارتی دیموکراتی کوردستان هاتووە: "بە بۆنەی ھاتنەوەی جەژنی سەری ساڵی نوێی خوشک و برایانی کوردی ئێزدی گەرمترین پیرۆزبایی لە میر و کەسایەتی و شێخانی ئێزدی و ئەنجوومەنی ڕووحانی ئایینی ئێزدی و سەرجەم ئێزدیانی کوردستان و جیھان دەکەین و، ھیواخوازین ئەو جەژنە بە خۆشی و ئارامی و ئاسودەیی بەسەربەرن."
ئاماژە بەوەش دراوە: "لەم بۆنەیەدا جەخت لەسەر پاراستن و بەھێزترکردنی کولتووری پێکەوەژیان و برایەتی نێوان سەرجەم پێکھاتە ئایینی و ئایینزا و نەتەوەییەکانی کوردستان دەکەینەوە لە پێناو خۆشگوزەرانی ھاووڵاتیان و ئایندەیەکی ڕۆشنتر و دەستکەوتی زیاتر بۆ وڵاتەکەمان."
ئەوەش خراوەتە روو: "ئێمە لە پارتی دیموکراتی کوردستان وەک ھەمیشە پاڵپشتی و پشتیوانی خۆمان و سەرۆک بارزانی بۆ خواست و ویستی ڕەوای خوشک و برایانی کوردی ئێزدی دووپات دەکەینەوە لە چارەسەرکردنی یەکجارەکی کێشەی شنگال بەتایبەتی و ئەو ناوچە و شوێنانەی دەوروبەری بە گشتی و ئاوەدانکردنەوەیان و، قەرەبووکردنەوەی ماددی و مەعنەوی زیانلێکەوتووان و دووبارە نەبوونەوەی نەھامەتییەکان و، دەستەبەرکردنی سەقامگیری و ئاشتەوایی و خۆشگوزەرانی بۆیان."
هەروەها روونیش کراوەتەوە: "جارێکی دیکە جەژنی سەری ساڵی نوێی ئایینی ئێزدی پیرۆز دەکەین و ئومێدی بەختەوەری و شادی بۆ ھەموو لایەک دەخوازین."
وەڵام بدەوه