10 بانزینخانە لە ھەولێر داخران

قایمقامی هەولێر ئاشكرای كرد كە بەهۆی فرۆشتنی بەنزینی خراپەوە، 10 بەنزینخانەیان لە شاری هەولێر داخستووە و سزاداوە.

نەبەز عەبدولحەمید قایمقامی هەولێر رایگەیاند: لە درێژەی بەدواداچوون و چاودێریکردنی لێژنەکانی پشکنین و چاودێری و چڕکردنەوەی سەردان و پشکنینە لەناکاوەکان بۆ وێستگەکانی سووتەمەنی (بەنزینخانە)، بەهۆی فرۆشتنی بەنزینی کوالێتی خراپ و پابەندنەبوونیان بە ڕێنماییەکان 10 وێستگەی بەنزین (بەنزینخانە) لە هەولێر داخران و سزا دران.

راشیگەیاند: ئەم 10 بەنزینخانەیە لە کۆی 108 وێستگە بووە کە پشکنینیان بۆ کراوە لەنێوان 24/2 تا 29/2/2024.

قایمقامی هەولێر ناوی ئەو 10 بەنزینخانەشی ئاشكرا كرد كە داخراون و بریتین لەمانەی خوارەوە:-

- وێستگەی باران-2 / ڕێگای خەبات

-  وێستگەی وار ئۆیل / ڕێگای خەبات

- وێستگەی دڵنیا

- وێستگەی فیڕاڕی

- وێستگەی باخەوان

- وێستگەی باکور

- وێستگەی پێشمەرگە

- وێستگەی بەهەست

- وێستگەی کەرکووك

- وێستگەی دونیا