وشکە سەرمایەکی زۆر بەڕێوەیە

شارەزایەکی بواری کەشناسی ئاشکرای کرد کە وشکە سەرمایەکی سیبیریا ناوچەکانی هەرێمی کوردستان دەگرێتەوە.

ئەمشەو چوارشەممە 21/2/2024، ئاراس جەبار، شارەزای بواری کەشناسی بڵاوی کردەوە: "وشکە سەرمای سیبیریا یان بەرزە پاڵەپەستۆی سیبیری ھەفتەی داھاتوو لەرۆژی یەکشەمەوە تا سێشەمە کاریگەری لەسەر ناوچەکانی هەرێمی کوردستان دەبێت."

ئەوەشی خستووەتە روو: "ئەم بەرزە پاڵەپەستۆی سیبیری دەبێتە هۆی ھەڵکردنی رەشەبای سارد بای باکووری رۆژھەڵات لە ناوچەکانی سلێمانی و رۆژھەڵاتی ھەرێمی کوردستان بەگشتی، لەگەڵ کەمبوونەوەی شێی ھەوا کە دەبێتە ھۆی ھەستکردن بەسەرمایەکی زیاتر لە پلەی گەرمی راستەقینەی ھەوا، هەروەها دەبێتە هۆی پاکبوونەوەی ھەوا لە گازە گەرمکەرەوە و زیانبەخشەکان."

روونیشی کردووەتەوە: "زستانی ئەمساڵ کاریگەریی ئەم بەرزە پاڵەپەستۆیە لەسەر ناوچەکانمان لاوازبوو بووە ھۆی ئەوەی زستانێکی گەرمترمان ببێت لە ئاسایی ئەمەش یەکەم ھاتنە خوارەوەی چالاکیەتی پاش تێپەرینی دوو مانگ لە زستانێکی گەرم."