بەفر بارین دەگاتە سەنتەری شارەکان

شارەزایەکی بواری کەشناسی ئاشکرای کرد کە شەپۆلێکی بەفروباران سەرجەم ناوچە جیاوازەکانی هەرێمی کوردستان دەگرێتەوە.

ئەمشەو یەکشەممە 17/12/2023، هەڤاڵ سەدیق گەڵۆزی، شارەزای بواری کەشناسی بڵاوی کردەوە: "لە 22/12/2023ەوە بەدیاریکراوی لە رۆژی هەینی لەسەر شەممە شەپۆلێکی زۆرباشی دیکەی بەفر و بارانبارینی سەرتاسەری سەرجەم ناوچە جیاوازەکانی هەرێمی کوردستان دەگرێتەوە و بۆ ماوەی چەند ڕۆژێک بەردەوام دەبێت."

ئاماژەشی بەوە داوە: "پێشبینیی دەکرێت لە زۆربەی ناوچەکانی هەرێمی کوردستان و لە ناوچە شاخاوییەکان بەهۆی دابەزینی بارستەهەوایەکی ساردی جەمسەری ئەگەری بەفربارینی باش هەیە بەتایبەت لە کۆتایی ئەم مانگە ئەگەری بەفربارین لەسەنتەری هەندێ لە شار و شاروچکەکانی هەرێمی کورستان هەیە."

هەروەها ئەو شارەزایەی بواری کەشناسی راشی گەیاندووە کە لە ناوچەکانی دیکەی هەرێمی کوردستان ئەگەری بارانبارینی مامناوەند بۆ بارانی بەخووڕ هەیە.